Plataforma anitzeko aplikazioen garapena
INFORMAZIO GEHIAGO ESKATU
Garatu itzazu hainbat gailuetarako aplikazio informatikoak edozein arlotan, hala nola erabilera orokorra eta entretenimendua edo enpresa- eta negozio-kudeaketa. Datu-baseak kudeatu, interfaze grafiko interaktiboak diseinatu eta aplikazioen erabilgarritasuna optimizatu itzazu tresna informatiko eraginkorrak sortzeko, bai telefonia mugikorrean zein beste edozein plataforman.
Prestakuntza-plana
2.000 ordu – 2 ikastarotan
| MODULUAK | IRAUPENA | MAILA | |
|---|---|---|---|
| Datu-baseak | 198 ordu | 1.maila | |
| Programazioa | 264 ordu | 1.maila | |
| Markatzeko lengoaiak eta informazioa kudeatzeko sistemak | 132 ordu | 1.maila | |
| Garapen-inguruneak | 99 ordu | 1.maila | |
| Ingeles profesional | 60 ordu | 1.maila | |
| Enplegagarritasunerako ibilbide pertsonala I | 120 ordu | 1.maila | |
| Produkzio-sektoreei aplikatutako digitalizazioa | 60 ordu | 1.maila | |
| Produkzio-sistemari aplikatutako iraunkortasuna | 30 ordu | 1.maila | |
| Informatika-sistemak | 165 ordu | 2.maila | |
| Datu-atzipena | 120 ordu | 2.maila | |
| Interfazeen garapena | 140 ordu | 2.maila | |
| Multimedia-programazioa eta gailu mugikorrak | 100 ordu | 2.maila | |
| Zerbitzu eta prozesuen programazioa | 80 ordu | 2.maila | |
| Enpresa-kudeaketako sistemak | 100 ordu | 2.maila | |
| Plataforma anitzeko aplikazioak garatzeko proiektua | 50 ordu | 2.maila | |
| Enplegagarritasunerako ibilbide pertsonala II | 63 ordu | 2.maila | |
| Hautazko moduluak | 84 ordu | 2.maila |
Edukiak eta informazio osagarria
Oinarrizko Curriculum Diseinua
(LHren Ezagutzaren Euskal Institutua)
Plataforma anitzeko aplikazioak garatzeko goi-mailako teknikaria
Araudia
- 450/2010 Errege Dekretua, apirilaren 16koa, Web Aplikazioak Garatzeko goi-mailako teknikariaren titulua ezarri eta gutxieneko irakaskuntzak finkatzen dituena
- 405/2023 Errege Dekretua, maiatzaren 29koa, Plataforma anitzeko aplikazioen garapeneko goi-mailako teknikariaren eta Web aplikazioen garapeneko goi-mailako teknikariaren hezkuntza-sistemako Informatika eta Komunikazioak lanbide-arloko lanbide-heziketako tituluak eguneratu eta gutxieneko irakaskuntzak finkatzen dituena. (2023-6-3ko BOE)
- 500/2024 Errege Dekretua, maiatzaren 21ekoa, goi-mailako Lanbide Heziketako tituluak ezarri, eta dagozkion gutxieneko irakaskuntzak finkatzen dituena (2024-05-28ko BOE).
- 565/2024 Errege Dekretua, ekainaren 18koa, merkataritza elektronikoko goi-mailako lanbide-heziketako espezializazio-ikastaroa ezarri, eta dagozkion gutxieneko irakaskuntzak finkatzen dituena (2024-06-20ko BOE)
- 207/2011 dekretua, urriaren 7koa, Plataforma anitzeko aplikazioak garatzeko goi-mailako teknikariaren tituluari dagokion curriculuma ezartzen duena
Harpidetu gure buletinera eta jaso gure berriak
Ikasketak amaitzean, zer egin dezaket?
Ikasten jarraitzea
- Lanbide-espezializazioko ikastaroekin.
- Goi-mailako Lanbide Heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
- Unibertsitate-ikasketekin, indarrean dagoen araudiaren araberako baliozkotzeak ezarrita.
Lan egitea
Profesional honek plataforma anitzeko aplikazio informatikoak garatzeko arlo bat duen edozein erakundetan egiten du lan, besteren kontura zein bere kontura, edozein esparrutan: enpresa- eta negozio-kudeaketan, bezeroekiko harremanetan, hezkuntzan, aisialdian eta entretenimenduan, etab. Plataforma horien barruan gailu mugikorrak, intranet, estranet eta Internet irismen-inguruneetan garatutako aplikazioak, edo enpresa eta erakundeen plangintza-sistemak daude.
Irtenbide profesionalak
- Enpresa- eta negozio-kudeaketako informatika-aplikazioen garatzailea.
- Helburu orokorreko aplikazioen garatzailea.
- Entretenimenduaren eta informatika mugikorraren esparruko aplikazioen garatzailea.
