Proiektu hau 5G aroarekin bat dator, hidrogeno berdez elikatutako 5G Smart Cabinet telefonia mugikorreko oinarri-estazio baten probak egitean datza, irrati-ekipoen urruneko integrazioarekin. Horri esker, estazio eraginkorrak azkar ezarri ahal izango dira sarbide zaila duten kokaleku estrategikoetan; horrela, konektibitatea hobetzen da eremu urrunetan eta sakabanatutako biztanleria-guneetan, obra zibilaren beharrik gabe, altuerako lanek dakartzaten arriskuak saihestuz eta gaur egun komunikazio-dorreek sortzen duten inpaktu bisualik gabe. Irrati-ekipoen integrazio urrunak kudeaketa optimoa eta erabilgarritasun handiko zerbitzua bermatzen du herritarrentzat, kokapena kontuan hartu gabe eta ingurumen-aztarna txikiagoarekin, esku-hartzeak egiteko joan-etorriak aurrezten baititu.
Justifikazioa
Proiektu honek Lanbide Heziketako sistemak 5G teknologian espezializazio-maila aurreratu baterantz aurrera egiteko duen beharrari erantzuten dio, hidrogeno berdean oinarritutako energia-soluzio jasangarriekin integratuz. Hidrogeno berdez elikatutako 5G Smart Cabinet estazio baten instalazioaren bidez, azpiegitura eraginkorrak azkar hedatzea errazten da kokaleku estrategiko eta sarbide zaila duten guneetan, konektibitatea hobetuz eremu urrunetan eta sakabanatutako biztanleria-guneetan, obra zibilaren beharrik gabe, lan-arriskuak murriztuz eta azpiegitura tradizionalen inpaktu bisuala minimizatuz.
Proiektuak autonomia, jasangarritasuna eta eraginkortasun energetikoa balioan jartzen ditu, TELKI hidrogeno-pila ohiko beste energia-iturri batzuen osagarri gisa txertatuz. Era berean, balio didaktiko handia eskaintzen du, Energia Berriztagarrien eta Telekomunikazioen arloko ikasleei hidrogeno berdearen sorkuntza-instalazio errealekin lan egiteko aukera ematen baitie. Irrati-ekipoen integrazio urrunak kudeaketa optimoa eta zerbitzu eraginkorra bermatzen ditu, ingurumen-aztarna murriztuz joan-etorriak gutxitzearen bidez, eta, gainera, operadore desberdinetako ekipamenduak azpiegitura bakar batean batera egotea ahalbidetzen du.
Helburuak
- 1. Helburua: Lanbide Heziketako sistema egokitzea, 5G teknologien sarreran aitzindari izanik.
- 2. Helburua: Ezagutza sortu, partekatu eta mugiaraztea parte-hartzaile diren ikastetxeen eta SACEN Technology S.L. enpresaren artean.
- 3. Helburua: Ezagutza horiek testuinguru hezitzailean aplikatzea, Lanbide Heziketako praktikei eta garapenei balioa emateko.
- 4. Helburua: Lanbide Heziketako ikasleen gaitasun-garapena eta lan-merkaturako trantsizioa hobetzea, baita enpresen beharrei erantzutea ere, STEAM prestakuntza duten profil profesionalen bidez.
Parte-hartzaile diren zentroak
- Santurtzi LHII
- Amurga BHI
Enpresa laguntzailea
- SACEN Technology S.L.
